拍拖第29個月了~~~~~

12月23號(Sat)

聖誕前夕,放半日假.悠閒的午餐後,捉住我隻手睇左幾睇,問我帶唔帶手鐲.
在逛了三間鋪,終於見到同科妮的腳環十分相似的玫瑰金手鐲 ^3^.

原來手鐲不是23號禮物,係另有目的呢:p

行了上尖東站的公園,合上眼聽見叮叮叮叮~~~~~
音樂盒,感動了我,淚水一滴滴流出來了

甜

心裡感到甜絲絲的說話

11月26號 (Sat)
飲茶時講"我地係呢度擺酒羅?"

12月4號 (Sun)
搭校巴時講"不如我地龍年結婚羅?"
搭地鐵時講"我真係好幸福,有羊錫晒我"

一齊28個月了

11月23號(Wed)

紀念日一早請了假,相對了14小時,幸福的感覺
姆明同科妮好像我地一樣,一雙一對.

放風箏+爬艇仔

11月20號(Sun)

自從上次踩單車後,一直想著要去放風箏
終於今日除了實現放風箏之外,仲玩埋艇仔潻~~~

自小覺得呢兩樣野好好玩,但就係從來都未玩過.
心情好像小學去旅行咁緊張呢~~

密碼

10月30號
我地的暗號:龍仔06

只有我地兩個知道:p

第27個月拍拖仔~

10月23號(Sun)

當我合眼訓係膊頭時,突然有隻Woodstock係我面前.佢個樣好傻呀^.^
今日天氣好好,不過怕Woodstock跌落樓,遲d再同woodstock影下海景相啦~~~~~~~~

朋友2

10月20號(Thur)

差不多無出去做survey已經一年半多了,今日再次有機會出動.
心裡計算不會與"朋友"相遇機會,結果估計錯誤竟要一齊用餐呢.

心裡極不願意,但仍要接受.已經想好會什麼情景出現,為自己做好心理準備,包括不會對話,眼神不會接觸,被冷落,互不相識,等等

實現了預計的情況,心情很難受呢~

朋友

兩年來發生的事,由極度唔開心,唔開心,唔明白,眼"淵",心淡,平靜,懷疑,不信任,視而不見,再懷疑.

我認識同了解的朋友,竟然發生這種事.表明我的感受,竟是得到置之不理的反應及不再真實的答案.嘗試不同方式去溝通,得不到任何反應,我不得不相信眼前的事實.

嘗試用不同的角度去思考,任何可能性都考慮過.兩年間,本覺得應該無可能的原因,都開始懷疑可以變成有可能的原因.

經由你做中間人,得到是一個絕對無可能發生的答案.再三思考其目的,對她作出中傷我的行為,我完全失望,失去信心,好無奈.再由第三者確認,原來是完全兩回事,幸好可以證明我的清白.

朋友,究竟是什麼呢?
本以為遇到交心的朋友時,再發現朋友當要保護自己的時候,竟可以做出一些傷害人的事.

第26個月

9月23號(Fri)

我們已經拍拖兩年零一個月啦
之前又同晴晴傾計的關係,曾經唔開心,但我們心愛對方而可以解決

不禁

酸的滋味
眼淚不禁一滴滴流出來

相遇

9月15號(Thur)

我們各自去同一地方,兩組人相約的時間不同
意想不到是不約而同地同一地鐵車箱相遇
感覺很得意呢

中秋節

9月12號(Mon)

今年第二年去上水過中秋節
等侯開飯的時間,關上電燈,躺著拖著,慢慢入睡
感覺有點像旅行的情況呢~

暖笠笠肚肚

第一次訓係你的大腿上,我面面貼著你肚肚,暖笠笠
你用雙手抱著我,慢慢訓著,感覺好幸福,好舒服,好舒服~~~~~~~~~~

家長見面

9月3號(Sat)

想安排pp與爸媽見面飲茶已一段時間了
今日pp去一早等位,過程氣氛不算緊張呢~ 開心~~

今晚第一次去pp屋企食飯,只有p爸+p+羊
雖然不是第一次見面,始終羊仔都有d緊張呢~ :p

掛住你

這兩日過得很開心,感覺好像已經生活在一起,互相分享生活的細節
小小的事,傾下計仔,產生一種好強烈掛念你的感覺
想將這感覺延續,好想你送我返屋企呢:p

兩週年

8月23號(Tue)

不經不覺,已經拍拖足足兩年了
見到大汗淋漓的你趕著來相聚,上課前短短見面15分鐘,已經好開心^.^

赤柱-介指

8月21號(Sun)

上完草藥班,相約見面後,跟著坐車到下一站 - 赤柱

露天小店下午茶後,悠悠閒閒地散下步,影下相
於悠閒氣氛的德國餐廳晚飯後,再到海旁傾計仔睇星星~

聽住海浪聲,寧靜及舒服的氣氛下,收到介指仔呢~

兩年前今日

8月14號 (Sun)
兩年前今日發生的事,所有情景仍然腦海中浮現
我和你心中都想著同一樣的事情,不是一件容易的事,無形的連繫著很窩心呢~~
好掛住你333333

第二年生日慶祝 - Day3

7月31號(Sun)

約好一早係荔景出發去迪士尼,天氣好好呢~
同pp周圍行,影下相,天氣實在太熱,不時走入買禮品的鋪頭降溫呢,一日食了三次雪條潻

我地玩了不小的遊戲,太空飛碟,巴斯光年星際歷險,瘋帽子旋轉杯,泰山木筏,泰山樹屋,獅子王慶典
森林河流之旅,米奇幻想曲,灰姑娘旋轉木馬,馳車天地

坐了火車由幻想世界到美國小鎮大街,整日不停尋找唐老鴨影相呢:p

晚飯後,悠閒地到地堡前等候煙花呢

今年過左3日的慶祝好開心呢^3^

第二年生日慶祝 - Day2

7月30號(Sat)

昨晚陪你買左宇宙大帝,本以為只係陪你影相相
原來神神秘秘,為我準備左心型雪糕蛋糕潻~~~~
仲問我鍾唔鍾意食西蘭花同椰菜,原來又係神秘的生日禮物,龍貓樹公仔呢 ^.^
又問我陪唔陪你聽日行大嶼山,一粒星的路,原來再一個神秘的安排,拿著2張迪士尼的入場票呢~~~~~

第二年生日慶祝 - Day1

7月28號(Thur)

正日你要過大海做survey,所以只係等你回來去食新開鋪的台灣牛肉麵呢~

發現

發現同一個話題/問題,每每答案竟然截然不同
究竟尚未了解你而不願多提,抑或你感未能與你同步?

第24個月~龍貓砌圖

7月17號(Sun)

今次又要提早慶祝23號,就是龍貓砌圖
原來pp專登帶我去choose哪款喜歡呢~~

左對對,右對對,一齊完成它呢^3^

12號圈

7月8號(Fri)

想起身,一唔留神,跣腳,失重心,由椅上跌下,右邊patpat好痛呢,無力,扮無事,行一步痛一步.........(從來都未試過><)

放工後,試上12號圈呢,戴下脫下,試多幾次,號碼適合^3^,微微笑,開心keke~~~~~~~~~~

碗仔

原來新買BBQ碗仔有名架-->比奇科學兒童飯碗
好想記低佢呢~~~

第23個月~我們的作品Lego

我們一起完成的作品呢~~~

悠閒 期待

7月2號(Sat)

家中砌Lego模型,悠閒地享受蚵仔麵線下午茶
再逛逛ctf2,搜尋看中的款式
等待著12號圈呢 ^3^

馬六甲之旅

2011年6月25-29號

一個月前開始日日倒數著,期待已久的旅行,終於來臨了.
到處尋找景點,悠悠閒閒地散步街頭,浪漫氣氛下享受著甜品的感覺真好呢~

小忌廉

6月5號(Sun)

其實今日出黎陪你行下散下心,買了小露寶再買下小忌廉.
希望儘快散掉心中的不愉快

懷舊的感覺

5月29號(Sun)

早幾星期已經想試太平館餐廳,星期初已經決定星期天試
下午時間第一次參與詳細計劃旅行行程,食完老婆餅的下午茶就出發啦.

步入餐廳,一條鋪上紅地毯的小小轉彎樓梯,樓上給人一種舒服的感覺
只等了五分鐘,已經安排了卡座
暗暗的燈光,深紅的梳化卡座,加上寫了餐廳名字的筷子套,很有懷舊的感覺呢~
點了瑞士雞翼,干炒牛河及芝士西蘭花. 好好味呢~~~

8隻瑞士雞翼令我們想像到未來的情景,每人食兩隻 ^3^

第22個月~ Pingu+Pinga

5月28號(Sat)

今日補祝返23號,開開心心好滿足
大陣容的埸面要出現啦
三個pingu, pinga的擺設

旅行大計

5月20號(Fri)

昨晚叮囑我要同媽咪講,但昨晚未有機會.於是今早先講.
當然,如我所料,媽咪就囉唆及叮囑我,最終都批准。

今晚去旅行社買機票同訂酒店,終於完成旅行大計既第一步啦
而家期待著一個月後出發既日子呢^3^

羊羊世界

我從來都視羊羊世界係我同你的私人地方，記載著發生過所以事情的地方
這裡對我黎講係首要的位置，最重要不過的。

肯定

4月5號(Tue)

清明節，第一次叫我一齊去拜山，對我來講是一種肯定
肯定我係你心中的地位，亦都係家人面前作出肯定

其實我帶著沈重的心情去拜山，因為本身本來不是一件開心的事
我唔應該感到絲毫的開心,所以過程中沒有帶著半點笑容。

相聚

5月23號(Mon)

今個月23號要溫書關係各有各忙，所以預計無辨法相見
預計不到要討論考試題目需時很長，心情已經開始煩躁
這時侯收到pp過來學校相聚的短訊
短短幾分鐘相聚的時間，已經好滿足好開心呢～～～～～～

痛

個心一下一下痛.

星形介指

5月6號(Fri)

前一天路過,見到有星形的介指
你一早準備好,今日放工後,到旺角新世紀的ctf2睇星形介指
原來係花形介指,中間有花蕊呢..

本來想睇星形介指的念頭打消,跟著於這店內搜尋上次看中既介指,但都失望而回.
星期六晚於沙田一田的ctf2見到看中的介指呢~~~

第一次正式見面

5月7號(Sat)
星期四晚同我講想同p爸同p媽飲茶,內心暗暗歡喜
雖然之前見過面,不過沒有正正式式地坐低傾計.今次第一次正式約出黎見面,好緊張呢.

因為我不是很識得同長輩打開話題, 所以星期五晚已經諗定講什麼好
我怕大家都唔出聲,所以就講下自己野,問下p爸p媽會做d咩咁.
好彩,pp都知羊羊怕羞,幫我打開話題:p
P爸睇得出我好緊張呢, 所以佢得閒就講唔使咁緊張
p媽就講左兩次叫我約埋我爸媽同佢地出黎一齊飲茶呢,即是我係p爸p媽心中的印象都不差呢^.^

pp,我很重視羊羊世界.羊羊世界是紀錄住我同你之間發生過經歷過的事情~~~~

第一次留宿的camp

5月1號-2號 (Sun-Mon)

4月30號行行下街,突然話不如去一日camp羅.
第一次同pp去camp,前一晚緊張起上來,不停諗要帶咩衫,有無帶要帶既野呢
諗下要買咩食,煮唔煮野食呢,買左以色列蕃茄仔,2盒涼粉就出發啦

晚飯時候到,帶住一部相機,一支鏡頭,一支腳架去到大澳食晚餐
感覺好像去旅行咁,沖完涼就食涼粉食蕃茄仔
掂住訓,拖住訓,攬住訓, 感覺好幸福呢~~~~~~~
期待著6月份既旅行,快d到啦

第21個月啦~ 花花+Melody棋

4月23號(Sat)
返大陸玩左一日,趕住返香港慶祝
睇下戲,行下街仔,返屋企玩下melody棋,keke~~~

開心=害怕?

4月10號(Sun)
經歷左d開心的事之後,呆呆地望著你,感到世事美好
每當這時候總會發傻,太開心總會令我害怕而落淚.
怕你會走,怕天災橫禍而失去你,怕可愛牛和鼠.....太多

醫生護士

2011年4月3號(Sun)

自從病左一個月後,最近身體很差呢.小小事都會肚痛
今日太忙關係,成日無飲水只係飲左支清烏龍茶,再加上拋幾拋
即刻頭暈,發熱,發呆唔出聲,唔知自己想點

休息左一陣,你就搵事逗我開心
醫生加上護士的故事,將來發生的機會率極高
雖然阻住休息,不過都攪笑同幾鍾意呢

第20個月 - 23號獅子

2011年3月23號
今個月又係撞正要上堂,所以都要推遲到星期六先慶祝.
飲完茶發現唔見左斑馬袋,好唔開心呢.
為左逗我開心,獅子就提早現身.除左有23號羊,而家有"23號獅子"呢~~

由開始拍拖,你講會搵一隻獅子俾我呢~~~

刻了字的乖乖

經過考慮後,暫時將這兩張相片只會於羊羊世界出現
等到了適當時候將會發佈給大家知^.^

12月24號購買
2月11號去刻字
2月17號元宵節,它們乖乖地跟你回家

暖意

2011年3月6日(Sun)

上星期六發生的事,感覺很難受
今日一句"對不起",感到一種暖意.

第19個月的開始

2月18號 (Fri)
你忍唔住提早送上一年半的禮物呢~ (^3^.)
原來你留意著我每次都帶著你送給我的魚魚頸鏈.

兔兔情人節

2月14號(Mon)

第2個情人節,帶著準備好的士多啤梨和See's candies,去1881散步,影下相.
收到朱古力花花呢~

第二年生日

2月6號(Sun)

這個生日是我第二年與你慶祝.
堅持著要親手造生日禮物送給你,花盡心思,絞盡腦汁.
尋找主題,搜羅兩手準備的材料,動手製造,失敗,再嘗試,完成作品.

因不想令你太勞累,預約晚飯時間提早
本想與你看日落的節目,一早已知辦不到,已經萬分失落,仍然堅持到目的地走一敞
不過今日時間地點交通方面控制得不宜,令整日的節目都不盡如意
希望你不會介意

pp,生日快樂!!

第18個月紅玫瑰

第18個月(Sun)

相聚時間雖短,感受到緊張我的你呢~

第17個月的龜龜隊伍

12月23號 (Thur)

一隻隻排成S形等檢閱,陣容鼎盛
一直都想擁有的龜龜呀~~

2010除夕

12月31號(Fri)
今年到時代廣場渡過第二次一齊倒數的日子
攬著,感受到你的溫暖,幸福的感覺~~~

你是我的最緊要,最緊張的人呢^3^

第2個Boxing day

12月26號(Sun)
你的耐性,已經令我感到滿足
見到一個為我改變的你,很開心呢~

今日給了我一個驚喜
帶我到皇室堡睇pingu+pinga的展覽^3^

2010聖誕日

12月25號(Sat)

昨日倒數完,今日個頭"赤赤"地潻
你主動開聲陪我周圍睇boot,好開心呢

第一次去你公公屋企開聖誕party呢~