結婚大日子

2012年11月15號(Thur)

早上七時起床, 準備化妝set頭,父母及姊妹團到達, 心情緊張起來.

攝影師到達酒店, 拍下姊妹團的祝福說話, 她們的祝福令我感動落淚.

接新娘時間到了,玩完遊戲, 當準備由爸爸帶出房時, 心情更緊張.
由於攝影時間比預期長, 再加上由酒店前往上水, 遇上輕微塞車, 時間一再推遲. 怕拖延註冊的時間, 心情開始急躁.

入門時間已經下午1:45, 跨過火盤, 拜過早先, 向長輩敬茶後, 已經完成傳統結婚儀式.
食完午飯後, 出發往酒樓, 準備註冊. 當換婚紗時, pp帶了Mariam, Lydia 及 阿慧入新娘房, 很開心佢地的出現.
當註冊宣誓時, 再一次感動, 眼泛淚光.

換上晚裝, 迎接賓客, 見到一些原本有要事未能出席的朋友, 好開心, 再見到好朋友時更興奮.

開席前, 一直都無預備說話內容, 但拿著咪時, 看著父母時就忍不住哭起來.
已經踏入人生另一階段, 要長大了.

結婚前一日

11月14號(Wed)

結婚前一日, 好多事要做,四出奔跑. 事情包括去兩間婚紗鋪攞婚紗晚裝, 繡莊攞裙褂, 花墟攞手花, check in 酒店, 修手甲及買西餅.

突變的事件,最後都要將預早安排的行程一一推遲. 比預期歸家的時間遲足一個半小時.食完晚飯,就要趕著沖涼, 執拾物品及穿上紅色睡衣.

上頭時間到, 上完頭,與家人食完湯圓, 出發往酒店, 訓覺時間已經零晨三時半了.

第38個月 - 玲玲羊

10月23號 (Tue)

今日是結婚前的23號,亦是假期.
再一次路過上次發現羊公仔的店鋪, 隻羊公仔好像叫我望它.
忍不住,遠遠望了兩眼

第二次再經過, pp講"唔怕俾人買咗呀,同佢影相啦~"
本身唔想影,是怕自己會走去買它回家

但又驚有其他人買了它,都是拿起手機影
呀~~~~~~~~有多隻羊公仔係鏡頭前~~~~~
原來pp買了它^3^

命名為"玲玲"羊
(因為店舖買0至14歲的衣物)

中秋前夕

9月29號(Sat)

今個星期非常忙碌,已經工作了7日的工作時數.
今日早上已經返公司一次,以為只差一個工序,明日再努力.

突然一個電話,好似有問題,迫於無奈留下pp,獨自返公司.原本估計只需兩小時可以完成,永遠都是事與願違,最後用了四小時,離開時已經天黑接近晚上7時.

星期六要OT,所有安排亂了,更要留低了pp, 天已黑,心情更低落.

推開門,聞到煮食味,原來pp已經煲好了青紅蘿蔔湯,煮熟了雞翼及已經洗米煮飯.
心情好了,再煮白菜炒牛肉.

由於身體疲倦,有點發呆,忘記了醃牛肉就炒了,噢~
將牛肉夾起,再醃,再炒,哎呀...被pp發現

過大禮

9月25號(Tue)

今日是過大禮,人生中特別的日子.
昨晚由放工開始一直落大雨,後來還發出紅色暴雨警告.

昨晚一直想著,希望至少今日不要落大雨.
估不到,不但無落雨還放晴呢

三年一個月啦

9月23號
由於今晚不只係我們兩個食飯慶祝,所以昨日pp神神秘秘將禮物放了我的袋裡面.

呀~~~~~~Lego結婚公仔
掛不知上次你堅持叫我不要買呢.

魚寶寶發現足足一個月啦,大左好多呢~

今日羊仔肚痛,好不容易由大埔到沙田,再由沙田搭的士返屋企.
整過過程pp想分散我注意力,跟住擔心著我,見到你好擔心我的樣子呢.
有pp照顧我真係好33333

第37個月快樂~

煲老火湯

9月15號(Sat)
 今日婚前檢查出報告,之前心情緊張,終於鬆一口氣

 9月16號(Sun)

今日第一次煲(老火)湯,材料是番茄薯仔豬骨湯

因為從來都未試過煲老火湯,所以不知道用什麼部位的骨去煲湯,哈哈,pp解答了^.^

湯煲得像樣,滿足呢~
每隔5日,BB魚長大了許多,已經係發現BB魚3個星期了~

薯仔炆雞翼 + 桂花糕

9月9號(Sun)
今日成碟薯仔炆雞翼,由薯仔至上碟都係由pp一手包辦,巧mi~

見到pp為羊羊而做,好開心^.^
四圍買材料,整桂花糕,味道差唔多,不過過硬,下次努力

 深好及淺彩已經發現了2星期零3日,已經大個仔/女啦~~~~~~~

緊記

不論任何情況,都要係側邊等埋pp

心型薯蓉 & BB魚

8月25號(Sat)

 之前講過唔識整薯蓉,pp竟然學點樣整再整俾我食,仲有心心型潻^.^ 巧mi~~

 3週年發現BB魚,今日我第一次親眼望佢地,一條深色(叫阿深),一條淺色(叫阿淡)~~~~ 不過佢地好怕人架~

 BB魚游水游得好似直昇機,真係好可愛呢~~~

拍拖3週年

8月23號 (Thur) 我們拍拖3年啦,時間不經不覺地過 今年係第3年為你畫形容羊的圖畫,望著你睇畫冊時,一時一號咀,一時忍唔住笑,重溫我們經歷了的事. 我愛你~

宣佈婚事

8月9號(Thur) 今日開會前,突然老細叫我於開會期間講結婚消息 一路開會一路好緊張,怕羞自己出現.. 不過,老細幫我做了開場白,宣佈完,心情輕鬆了 之後,同事們陸續過黎恭喜我地 ^.^

龍年羊生日

7月28號(Sat) 今年是有pp陪我一齊過的第3個生日,又係最後一個二字頭生日,亦是結婚前的生日,所以有種特別感覺。 我一直都唔知行程,飲完茶茶,好神秘咁去九龍塘睇Ice Age4,之後就返屋企食綠茶(宇治金時)蛋糕。 一開房,見到唔濕duck坐左係電腦枱前面.呀(大叫)~~~~~~~~~~ 晚上,我地去2+2食日式主題buffet ^3^ 多謝pp,好開心呀~~~~~~~

第35個月-幾米書

7月23號 (Mon) 因為韋森特8號風打到黎,今日23號就見唔到啦 不過昨日已經收到我唔捨得買的幾米書,唔知pp幾時買既呢?

第34個月 - 木海龜

6月23號(Sat) 因為與端午節同一日,相見的時間縮短了很多. 同屋企人食完做節飯後,收到神秘禮物 呀,原來同係馬來西亞水族館買的海龜同家族的海龜呀~~~~~~~~~~^3^

無水+沖涼

6月10號(Sun) 一早出門口行山前已經聽到無食水,以為大半日後會完工. 點知....晚上七點幾接到屋企電話仍然未有水供應... pp幫我落街買沖涼用品,我就繼續煮,磨菇意粉,煎德國腸及粟米磨菇湯 結果意外地做了第一個係新屋沖涼仔的人潻~

兩年九個月~松鼠音樂盒

5月23號(Wed) 今日是特別日子,除了我們拍拖兩年九個月外,正式簽了新屋的租約. 新屋驗樓後,完成所有手續.我們去了紅螞蟻食晚餐呢 喔~松鼠音樂盒呀~~~~~~~~ 與班馬音樂盒一樣,都是有個木頭底座

屋屋+傢俱

5月19號(Sat) 已經第二個星期睇樓,因為上星期睇既樓都不合心意 今日睇了兩間未睇過的樓,一眼就已經覺得其中一間合心意,裝修企理,乾淨 相隔2小時,終於決定呢間呢~~ 5月20號(Sun) 今日第一次同pp正式為左將來的屋企睇床架,傢俱,廚具,電器呢~~ 有種好特別的感覺^3^

羊牌朱古力

4月28號(Sat) 羊羊牌朱古力係昂平的台灣食品店被我們發現 仲係結婚公仔呢~<

兩年八個月

4月23號(Mon) 兩年八個月了,放工後,行了一陣去食和民 行開後返位,想飲水時,見到一朵閃閃花花. 靚靚花花^3^

不見了-科妮鐲

4月10號(Tue)

pp陪我睇完師父,去藥材鋪執藥.
呀~~~~~~~~~~~~~不見了隻求婚鐲~~~~~~~~~~~~~~~~~
搵了好幾次.......結果真係不見了.....好唔開心....

只是戴了4個月零10日,對我地來講,有著它重要意思呢~

赤柱之旅

4月1號(Sun)

天氣好好,入赤柱行街街.食了想食左一陣的蘑菇足三兩飽下午茶,巧mi~
逛了赤柱市集,海傍,舊警署,舊郵局門口買郵票的機 (原來間郵局係83年9月時定為法定古蹟呢~~~~~)
哈~~於市集內見到不少小朋友的物品呢~泳衣仔

兩個一齊諗想食台灣牛肉麵潻^3^

開開心心的一日~~~

大大下午茶~

3月25號(Sun)

今日天氣好好,仲以為入去大澳行下,突然話去食齋.
上次你生日時話第時入去食海韻.
到大澳時,望一望時間,其實已經係4:10pm.

下午茶時間,但我地好似食正餐,叫了羅漢齋,鹽焗雞半隻,一條大大條的芋頭魚

碟碟餸都好大碟呢~~~~食食食~~~~~~~~~
只係20分鐘,我地兩個人仔,清了鹽焗雞同芋頭魚的碟呢:p

兩年七個月~~~~~~~~

3月23號(Fri)

因為喉嚨唔舒服,今日食唔熱氣的上上拉麵小籠飽.
當我睇你影既相時,突然見到3個心心頸鏈出現~~~~~~~

最近

自從一月一日起,發生了好多事,心情一直反反覆覆.
最近見面的時間,你總與我保持距離,雙手插袋或是交叉手隔開我

這星期見面時,我們之間的關係更甚,總不會望我,避開我的眼神,一句說話都不會講

究竟發生了什麼事呢,因為攪結婚的事?我真係不知道
收埋唔講,唔處理,只會越谷越大,埋下炸彈,隨時爆炸,只會一發不可收拾.

第30個月拍拖

2月24號(Fri)

今個月23號因為你要聽講座,所以順延慶祝

收到第20紮花花,色彩繽紛,有紅玫瑰仔,粉紅玫瑰,黃色花仔,重瓣粉紅花^.^

第三個情人節

2月14號(Tue)

今日放了半日timeoff,渡過了第三個情人節
食完第一次食的咖哩館,仲要呃我送返屋企,原來係去睇卡通戲戲呢
第一次係情人節收到真花花,開心~~~~ ^3^

心定了~

1月21號(Sat)
終於落了訂,映月樓可以望出街景望到海景,幾鍾意這裡的裝修,個心終於定d啦.
食完團年飯,閒逛時發現了Donald Duck & Daisy Duck,當然被它們吸引了同帶返屋企啦~

開始準備~

1月10號(Tue)

pp上黎屋企求親呀~你一d都唔緊張,反而我其實有d緊張潻
呢日之後,心情已經出現改變,要準備進入人生另一個階段.

1月14號(Sat)
今日正式為結婚開始準備擇日及查詢擺酒事宜了~

1月15號(Sun)
雙方家長第一次見面,落實了細節.接著,另找一位師傅擇日,四處尋找心儀的地方.

高空-科妮鐲

2012年1月1日(Sun)

五日的台南之旅,接近尾聲,搭著從高雄機場返香港的港龍KA455班機
食完晚飯後,問我地現在的位置,當時7:55pm,應該係海的上空哩~
一邊從袋裡拿出東西,一邊講"今次帶左個濾鏡",我問"係用黎濾什麼顏色架?"
你一邊打開個盒,我望住不是圓型的,再望真,原來係求婚科妮鐲. ^3^

完全估不到,好驚喜呢,同好開心^3^